அழகுக் குறிப்புகள் - புவனா

நடிகர்களின் ஆரோக்கியக் குறிப்புகள்

ரோஜா

பள்ளியில் நான் படிக்கும்போதே தோழிகள் எனக்குப் ‘பேரழகி’ பட்டம் கொடுத்துவிட்டார்கள். பள்ளி வாழ்க்கையில் தோழிகளிடம் ‘பேரழகி’ பட்டம் பெற்ற நான் பட உலக வாழக்கையில் புகுந்ததும், இரசிகர்களிடம் ‘கவர்ச்சிக் கன்னி’ என்ற பட்டத்தைப் பெற்றிருக்கிறேன். எப்போதும் எனது அழகைப் பாதுகாக்க உடற்பயிற்சிகளைச் செய்வது வழக்கம். பயிற்சிகளை ஆர்வத்துடன் தினமும் செய்து என் அழகை, கவர்ச்சியை, உடல் வாகைக் கட்டுக்கோப்பாக வைத்துக் கொள்வதில் கவனமாய் இருக்கிறேன். படப்பிடிப்பு சென்னையில் இருந்தாலும், வெளியூர்களில் இருந்தாலும் தினமும் தவறாமல் தேகப்பயிற்சி செய்கிறேன். சாப்பாடு விஷயங்களில் மிகவும் எச்சரிக்கையாய் இருக்கிறேன்.

முகத்தில் அழகு பளிச்சிட வேண்டுமென்றால் பற்கள் மிகவும் அழகாக அமைந்திருக்க வேண்டும். எனவே, உதடு, பற்கள் ஆகிய விஷயத்தில் மிகவும் கவனமாக இருப்பேன்.

மலர்களில் மிகவும் கவர்ச்சியானது ரோஜா. மங்கையரிலும் கவர்ச்சியானவள், இந்த ரோஜாதான்! என பலர் பாராட்டும் அளவுக்கு என் அழகைப் பேணிக் காப்பதில் மிகுந்த கவனத்துடன் இருப்பேன்.

பிரபு

உடற்பயிற்சி செய்ய வேண்டும் என்ற ஆசை உண்டு. ஆனால் நேரம் வாய்க்காது. வாய்த்தாலும் சற்றுச் சோம்பேறித்தனம் உண்டு. ஷூட்டிங்களில் ஆடி, ஓடி, ஸ்டண்ட் செய்வதே பெரிய உடற்பயிற்சியாக இருக்கிறது. நல்ல சாப்பாடு எதுவாய் இருந்தாலும் இரசித்து கொஞ்சம் குறைத்துச் சாப்பிடுவேன். முகத்திற்குக் கடலைமாவு தேய்த்துக் குளிப்பது எனக்கு வழக்கம். அதனால் முகம் மிருதுவாய் இருக்கும்.

சரத்குமார்

இளவயதிலிருந்தே விளையாட்டில் ஆர்வம் உள்ளவன் நான். என் தந்தையின் சொற்படியும், புரட்சித் தலைவர் அவர்களைப் பின்பற்றியும் உடல் நலத்தைப் பேண வேண்டுமென்ற ஆர்வம் ஏற்பட்டது. அதன்படி பாடி பில்டிங், உடற்பயிற்சி ஆகியவற்றைத் தவறாமல் செய்து வருவதும், உணவில் கட்டுபாட்டோடு இருப்பதையும் வழக்கமாகக் கொண்டேன். புகை, மது போன்ற எந்தவிதமான தீய பழக்கங்களும் எனக்கு இல்லை.

சுகன்யா

கலாக்ஷேத்ராவில் நடனம் பயின்ற மாணவி என்பதால் அந்த நடனப் பயிற்சியே எனக்குச் சிறந்த உடற்பயிற்சிக்கு அஸ்திவாரமாய் அமைந்திருக்கிறது. நடனக் கலை பயின்று, தேர்ச்சி பெற்றிருப்பதால் அழகையும், கவர்ச்சியையும் பாதுகாத்துக்கொள்ள முடிகிறது. நடிப்பாற்றலையும் வளர்த்துக்கொள்ள முடிகிறது. ஆகவே, அழகுப் பராமரிப்பில் எனக்கு எந்தப் பிரச்னையும் இல்லை!

அழகும், உடலமைப்பும் பொருத்தமாக அமைந்திருந்தால் ஒரு பெண்ணுக்கு எத்தகைய உடையும் ஏற்றதாய் அமைந்துவிடும். உதாரணமாக, என்னால் கிராமத்துப் பெண்ணாகவும், அதே நேரத்தில் நாகரிக நங்கையாகவும் தோற்றமளித்து, இந்த இரு தோற்றங்களிலும் மக்களின் பாராட்டைப் பெற முடிந்திருக்கிறது! சிலர், இன்னாருக்கு இன்ன நிறம் பொருத்தமாய் இருக்கும், இன்ன நிறம் பொருத்தமாய் இராது என்று கூறுவார்கள். சிவப்பாக இருப்பவர்கள் எந்த நிறத்திலும் உடை அணியலாம். கொஞ்சம் கறுப்பாகவோ, மாநிறத்திலோ தோற்றமளிப்பவர்கள் கொஞ்சம் மங்கலான வண்ண உடைகளை அணிவது நல்லது. என்னைப் பொறுத்தவரை எத்தகைய உடை வகைகளையும் அணிந்து கொள்வேன். இதில்தான் அழகாக இருப்பேன், இதில் இருக்க மாட்டேன்… என்பதல்ல. எந்த உடையிலும். எந்த ஒப்பனையிலும் அழகாகத் தோற்றம் தருவேன் என்பது என் நம்பிக்கை.

பானுப்பிரியா

அழகுக்காக மட்டுமல்ல ஆரோக்கியத்துக்காகவும் கண்களைத் தூய்மையாக வைத்துக் கொள்ள வேண்டும். கண்களைப் பராமரிப்பதற்காக என்று நான் பெரிதாக எந்தப் பயிற்சியும் செய்வதில்லை. இறைவன் அருளால் எனக்கு இயற்கையிலேயே அழகான கண்கள் அமைந்துள்ளன. அவற்றுக்கு மை தீட்டி அழகுக்கு அழகு சேர்த்துக் கொள்கிறேன்.

காலையில் ஐஸ் வாட்டரில் அல்லது சிறு ஐஸ் கட்டியை டச்சப் கிளாத்தில் வைத்துக் கண்களில் தடவிக் கொள்கிறேன். ஐட்ராப்ஸ் கண்களில் விட்டுக் கொள்கிறேன். இதனால் கண்களில் களைப்புத் தெரியாது. எப்போதும் ஃப்ரெஷ்ஷாக இருக்கும்.

தினமும் இரவு படுக்கும்போது கொஞ்சம் வாசலின் எடுத்துக் கண்களைச் சுற்றிலும் பூசிக் கொள்வேன். காலையில் கண்கள் புத்துணர்ச்சியுடன் இருக்கும். அதே போல இரவில் படுக்கப் போகும்போது பிரிஜ்ஜில் வைத்த வெள்ளரித் துண்டுகளை எடுத்துக் கண்களைச் சுற்றித் தேய்த்துக் கொண்டால் கண்களைச் சுற்றிக் கருவளையம் விழாது. கண்கள் எப்போதும் கவர்ச்சியாகவும், புத்துணர்ச்சியுடனும் இருக்கும்.

நிழல்கள் ரவி

இரவு பகல் என்று ஷூட்டிங் இருப்பதால் வீட்டில் இருக்கும் நேரமே குறைவு. உடற்பயிற்சி செய்ய விருப்பம்தான். பார்க் ஷெராட்டன் ஹெல்த் கிளப்பில் ஒரு வருடத்திற்கு பணம் கட்டிவிட்டு ஒரு நாள்கூடப் போனதில்லை. காலை முதல் மாலை வரை வேலை செய்துகொண்டே சுறுசுறுப்பாக இருப்பதே எக்ஸர்ஸைஸ் என்று கருதுவதால் இப்போது, பயிற்சிகள் செய்வதில்லை. டயட்டில் கொஞ்சம் கவனம் செலுத்துவதால் உடலில் எடை கூடாமல் பார்த்துக் கொள்கிறேன்.

எஸ்.வி.சேகர்

நான் பார்க் ஷெராட்டன் ஹெல்த் கிளப்பிற்குச் சென்று உடற்பயிற்சி செய்து வருகிறேன். ஷூட்டிங் சமயத்தில் போக முடியாவிட்டாலும், வீட்டில் பதினைந்து நிமிடங்களாவது பயிற்சி செய்கிறேன். பயிற்சி செய்வதால் உடல் ஆரோக்கியமாய் இருப்பதோடு நாள் முழுவதும் புத்துணர்ச்சியோடு செயல்பட முடிகிறது. இதைத் தவிர தியானமும் செய்வதால், எப்போதும் மனம் தெளிவாக இருக்க அது பயன்படுகிறது.

ரம்யா கிருஷ்ணன்

பொதுவாக நான் வீட்டில் இருக்கும்போது சல்வார் கம்மீஸ் அணிந்து கொள்வேன். நகை அணியமாட்டேன். கடைத்தெருவுக்கு செல்லும்போது ஸ்கர்ட்டும் தொள தொள என இருக்கும் சட்டை அணிகிறேன். விழாக்கள் மற்றும் பொது நிகழ்ச்சிகளுக்கு ஏற்றவாறு ஜரிகை வேலைப்பாடு மிகுந்த சுடிதார் அல்லது புடவைகளும் நகைகளும் அணிந்து கொள்வேன்.

முகத்தைப் பாதுகாக்க நான் சோப்பை விடுத்து பாசிப்பயறு மாவு உபயோகிக்கிறேன். தலை முடிக்கு ஷாம்பு தனியாகவும், கண்டிஷனர் தனியாகவும் உபயோகிக்கிறேன். அதனால் முடி மிருதுவாகவும் உறுதியாகவும் இருக்கிறது.

அர்ச்சனா

என் நிறம் சற்றுக் குறைவானதாகும். அதனால் எப்போதுமே அளவுக்கதிகமான மேக்கப் இடமாட்டேன். லைட் மேக்கப்பும், வெளிர்நிற உடைகளும் எனக்கு அதிகம் பொருந்தும். எனக்கு எல்லா உணவு வகைகளுமே பிடிக்கும். ஆனால் எதையும் குறைந்த அளவே சாப்பிடுவேன். மேக்கப்பிட்டு வெளியே சென்றால் வீட்டிற்கு வந்ததும் முகத்தைச் சுத்தம் செய்துவிட்டுதான் உறங்கச் செல்வேன். நான் அநேகமாகத் தினமும் நடனப் பயிற்சி செய்வதால், உடல் பருமனாகாமல் ஸ்லிம்மாக இருக்கிறது.

அழகும் ஆரோக்கியமும்

நமது நடிக நடிகையரின் அழகு, கட்டான உடல் ஆகியவற்றிற்காக அவர்கள் மேற்கொள்ளும் முறைகளைத் தெரிந்து கொண்டீர்கள். இவை எல்லாமே எல்லோராலும் தினந்தோறும் கடைப்பிடிக்கக்கூடியவை அல்ல.

உடல் மற்றும் அழகைப் பாதுகாக்க ஆடம்பரமான செய்முறைகள் தேவையில்லை. இப்போது அழகு நிலையங்களும் உடற்பயிற்சிக் கூடங்களும் பெருமளவில் செயல்படக் தொடங்கியுள்ளன. மக்களும் தங்கள் உடல்நலத்தைப் பேணுவது குறித்து விழிப்புணர்ச்சியோடு இருக்கிறார்கள். இவற்றுக்கென்று பணம் செலவழிக்க முடியாதவர்கள், இயற்கையாக எவ்விதக் கருவிகளும் இல்லாமல் செய்யக்கூடிய பயிற்சிகளே நீச்சல், ஜாக்கிங், யோகா போன்ற பயிற்சிகளாகும். அவற்றைச் செய்து பயனடையலாம்.

உடற் பயிற்சி செய்தவன் மூலம் கட்டான உடல், அழகு ஆகியவற்றை மட்டும் நாம் பெறுவதில்லை; உடல் எடையற்றிருக்கும் தன்மையையும் பெறுகிறோம். இது ஒரு பெரிய வரப்பிரசாதம். உடற்பயிற்சி மூலம் இரத்தம் சுத்திகரிக்கப்பட்டு, உடலின் பல பாகங்களுக்கும் பரவி நாம் நாள் முழுவதும் சுறுசுறுப்போடும், புத்துணர்ச்சியோடும் இருக்கப் பயன்படுகிறது. நிறம் கூடும். எந்த வேலையைச் செய்தாலும் எளிதில் களைப்பு ஏற்படாது. தினமும் பயிற்சி செய்வது சிறந்தது. சாப்பிடும் உணவிலும் சிறிது கவனம் செலுத்தினால் நாம் மருத்துவரை நாடவேண்டிய அவசியம் இராது.

அழகுக்கூடும்…

அழகுக் குறிப்புகள்

2008/08/01 நடிகர்களின் ஆரோக்கியக் குறிப்புகள்

2008/07/25 நடையா, இது நடையா?

2008/07/18 ஆரோக்கியமாக வாழ…

2008/07/11 அழகுக் குறிப்புகள் - புவனா

2008/07/04 அழகுக் குறிப்புகள் - புவனா

2008/06/27 அழகுக் குறிப்புகள் - புவனா

2008/06/20 ‘சண்டே’ ஸ்பெஷல்

2008/06/13 உடற்பயிற்சி கூடங்கள்

2008/06/06 ஆண்களும் அழகு செய்து கொள்ளலாமே!

2008/05/30 ‘சண்டே’ ஸ்பெஷல்

2008/05/23 புருவ அழகு

2008/05/16 தலைமுடிக்குச் சாயமிடுதல் (டை)

2008/05/09 மணப்பெண் ஆவதற்கு முன்

2008/05/02 தலைமுடிப் பாதுகாப்பு

2008/04/25 புவனாவின் ஆரோக்கிய அழகுக் கலை முறைகள் - 4

2008/04/18 புவனாவின் ஆரோக்கிய அழகுக் கலை முறைகள் - 3

2008/04/11 புவனாவின் ஆரோக்கிய அழகுக் கலை முறைகள் - 2

2008/04/04 புவனாவின் ஆரோக்கிய அழகுக் கலை முறைகள் - 1

2008/03/28 அழகுக் குறிப்புகள் - தமிழ்வாணன்

• 2008/08/29 Beauty Tips
• 2008/08/01 Beauty Tips
• 2008/09/12 Beauty Tips
• 2008/09/05 Beauty Tips
• 2008/08/15 Beauty Tips
• 2008/07/25 Beauty Tips
• 2008/07/18 Beauty Tips
• Rape case!: Woman attacks TN Police
• 2008/07/04 Beauty Tips
• 2008/06/20 Beauty Tips